Nav Leikanger
Sognefjordvegen 60
6863 Leikanger
Tlf: 55 55 33 33
Telefax: 57 01 60 21
Opningstid 09.00-15.00
Send e-post
Dersom du ynskjer samtale med rådgjevar, ring for å avtale eit møtetidspunkt.
Kvalifiseringsprogram
Kvalifiseringsprogrammet er eit tilbod til deg som treng ekstra støtte for å delta i arbeidslivet, og som ikkje har ein medisinsk diagnose som gir deg rett til trygdeyting. Programmet blir utforma i samarbeid med deg. Det skal innehalde arbeidsretta tiltak /opptrening, eventuelt også medisinsk behandling og eigenaktivitet som gjer det lettare å komme i arbeid.
Programmet skal vera på full tid, og graden av aktivitet kan gradvis aukast opp til 100 %.
Medan du deltek i programmet mottek du kvalifiseringsstønad, pr. 01.10.10 kr.153.180.-pr.år dersom du er over 25 år. I tillegg kjem barnetillegg og bustønad.
Du har rett til individuell plan.
Målgruppe
Personar som treng tett oppfølging over tid.
Handsaming
Du må sette fram ein skriftleg søknad. Det vil bli fatta eit enkeltvedtak etter lov om sosiale tenester. I vedtaket går det fram om du har fått innvilga søknaden eller ikkje.
Kvalifiseringsprogrammet skal starte opp seinast seks månader etter at søknaden er motteken på Nav. Før oppstart skal du ha gjennomgått ei obligatorisk arbeidsevnevurdering som blir gjennomført i samarbeid mellom deg og Nav.
Handsamingstid
Søknaden blir handsama snarast, og seinast innan tre veker etter den er motteken på Nav.
Klage
Klagefristen er tre veker frå du har motteke vedtaket. Klagen skal sendast til Nav kontoret. I klaga skal du skrive kva du er usamd i, og grunngi dette. Klaga kan og settast fram muntleg til Nav kontoret. Nav vil gi deg rettleiing.
Klageinstans er Fylkesmannen.