Plan for tilsyn i barnehagane i Leikanger kommune

Kommunen sitt ansvar som lokal barnehagemyndigheit går fram av barnehagelova §8.

• Kommunen som barnehagemyndigheit skal gje rettleiing og sjå til at barnehagane vert drivne i samsvar med gjeldande regelverk.
• Kommunen som barnehagemyndigheit har plikt til å syte for at det finns eit tilstrekkeleg tal barnehageplassar for barn under opplæringspliktig alder.
• Kommunen som barnehagemyndigheit skal godkjenne nye barnehagar
• Kommunen som barnehagemyndigheit skal føre register til bruk for trygdekontora i samband med utbetaling av kontantstøtte
• Kommunen som barnehagemyndigheit har rett til innsyn i dokument og tilgang til barnehagelokala i den grad det er naudsynt for å ivareta kommunen sine oppgåver
• Kommunen som barnehagemyndigheit skal forvalte offentlege tilskot til private barnehagar

I Leikanger kommune skal det gjennomførast tilsyn med alle barnehagane minimum annakvart år
Tilsynet skal vere det same for dei offentlege og den private barnehagen

Generelt ut frå lovverket
Foreldreråd i kvar barnehage
Samarbeidsutval
System for innhenting av politiattestar
Inneareal og uteareal
Norm for pedagogisk bemanning

Grunnlagsmateriale for tilsynet
Vedtekter
Årsplanar
Årsmeldingar
Brukarundersøkingar
Evalueringsrapportar
Jamlege møte med styrarane

Uforsvarlege eller ulovlege forhold i høve til anna regelverk:
Sikkerheit ved leikeplassutstyr
Miljøretta helsevern
Internkontrollhandboka
Brannvern- myndigheiter
Kommunehelsetenesta

Kommunen sin utøving av skjønn
Barnehagens innhald jfr. §2
Barns rett til medverknad jfr.§3
Barnehagens øvrige personale og bemanning i høve til tilfredsstillande pedagogisk verksemd jfr.§18 femte ledd

Barn med særskilde behov
Omsorgstilbod – styrking pga barn med særskilde behov
Spesialpedagogisk hjelp

Kompetanse
Kurs og etterutdanning
Vidareutdanning

Pedagogisk konsulent Jorunn Nyttingnes og sektorleiar Gunnar Steine er fast tilsynsmyndigheit. Andre personar kan delta etter behov som t.d helsesøster, representant frå teknisk etat, barnehagefagleg frå andre kommunar m.m.

Førearbeid
Generelt tilsyn skal meldast på førehand
Pedagogisk konsulent og leiar for oppvekst og omsorg gjennomfører tilsynet (delegering)
Dei kan knyte til seg andre personar – interne og eksterne alt etter kva som er tema for tilsynet
Det skal gå fram av meldinga kva det skal førast tilsyn med, og gjevast fristar for innsending av opplysningar.

Etterarbeid
Det skal skrivast ein rapport etter kvart tilsyn. Rapporten skal vere ei samanfatting av dei forholda som kjem fram ved tilsynet.
Pålegg skal gjevast som enkeltvedtak

Kommunen skal ha fristar og rutinar for oppfølging av pålegg, plan for nye tilsyn, samt rutinar for informasjon til politisk nivå.
Når tilsynsmyndigheita kjem med pålegg, skal det avhengig av kva det er snakk om, gjevast ein rimeleg frist for å rette opp feil og ulovlege tihøve.
Samandrag av tilsynsrapportar vert førelagt kommunestyret i samband med årsmeldinga.

Leikanger kommune vil i 2011 føre tilsyn med barnehagane etter slik plan:

Henjahaugane barnehage - mars 2011
Askedalen barnehage - mai 2011
Nybø barnehage - oktober 2011

Generelt tilsyn på system / internkontroll / HMS

Kommunen vil dette året sjå særleg på:
1. Tal barn i høve til bemanning
2. Tidleg intervenering – har vi gode nok rutinar på å plukke ut dei barna som treng ekstra hjelp og støtte /samhandling med PPT/helsestasjon/barnevernet