Retningslinjer for bruk av tilskot til Spesielle miljøtiltak i landbruket (SMIL) og Miljøtiltak i skogbruket (NMSK) i Leikanger kommune

SMIL - prosjekt som er aktuelle for offentleg stønad

• Tiltak som er retta mot ivaretaking av truga og sårbare arter eller område med spesielt høgt eller særeige artsmangfald
• Tiltak som er retta mot ivaretaking av gamal kulturmark, til dømes styvingstre, bjørkehagar,
  beitehagar og artsrike enger
• Vegetasjonskontroll i kulturlandskap prega av attgroing
• Utbetring av ferdselsårer som stiar og bruer
• Informasjon til ålmenta om kultur og naturverdiar, til dømes skilting
• Utvendig restaurering av freda og verneverdige bygningar eller installasjonar der desse
  inngår som ein del av landbruket sitt kulturlandskap
• Andre tiltak som tek vare på kultur, til dømes arbeidsteknikkar
• Tiltak som minskar ureining, og fremmer miljøverdiar i kulturlandskapet utover det ein kan
  rekne med ved vanleg landbruksdrift.

Det skal ved handsaming leggjast vekt på :
 

• Verneverdi: Svært vanleg (typisk) eller svært sjeldan (unik)
• Verdien av tiltaket sett i høve til kostnadane ved gjennomføring
• Ålmennytte og lokalisering av tiltaket
• Om tiltaket kan brukast eller har verdi i samband med næringsverksemd
• Om bygningar eller prosjektområdet inngår i rapportar/planar/målsetjingar som er
  utarbeidde med føremål å ivareta natur– eller kulturverdiar
• Ved restaureringsprosjekt skal et leggjast vekt på om restaureringa går ut over det ein kan
  rekne som vanleg vedlikehald av bustad/bygningsmasse.

Tilskotsnivå:
Tilgjengelege midlar det einskilde året sett i forhold til søknadsmassen vil vera avgjerande for nivået på tilskota. Ved alle typar prosjekt som er nemnde over er den maksimale stønaden ved bruk av miljøtilskota til vanleg 70% av godkjent kostnadsoverslag. Ved restaureringsprosjekt vert maksimalt tilskot til vanleg avgrensa til 30% av godkjende kostnader.
Ved serlege høve kan retningslinjene fråvikast.

Søknader:
Søknadsfristen er sett til 8. april med sikte på å kunne gjennomføre sakshandsaming med tildeling før sommaren.

Søknaden skal innehalda:

• Utfylt søknadsskjema med naudsynte opplysningar
• Utgreiing om prosjektet
• Kostnadsoverslag
• Fotodokumentasjon av tiltaket før arbeidet tek til.

NMSK – saker
Det er høve til å søke om tilskot til planting og andre skogskjøtselstiltak sjølv om det normalt ikkje vert sett av skogskjøtselsmidlar.

Fylkesmannen i Sogn og Fjordane sine overordna retningsliner for tildeling av nærings- og miljøtiltak i skogbruket i 2012.

Forskrift SMIL

Forskrift NMSK